សមាគមសហគ្រិនសារព័ត៌មានដើម្បីការអភិវឌ្ឍន៍ (ស.ស.អ) ចេញសេចក្តីប្រកាសព័ត៌មាន ករណីលោក ដួង អក្ខរា និងលោក ឡាយ សុជាតិ ទទួលចំណាត់ការផ្លូវច្បាប់ពីស្ថាប័នមានសមត្ថកិច្ច នៅរសៀលថ្ងៃទី២១ ខែមករា ឆ្នាំ២០២៥
សមាគមសហគ្រិនសារព័ត៌មានដើម្បីការអភិវឌ្ឍន៍ (ស.ស.អ) មានកិត្តិយស សូមជម្រាបជូនសាធារណជន និងសមាជិក សមាជិកាសមាគមសហគ្រិនសារព័ត៌មានដើម្បីការអភិវឌ្ឍន៍ ទាំងអស់មេត្តាជ្រាបថា នាពេលថ្មីៗនេះ លោក ដួង អក្ខរា ចាងហ្វាងសារព័ត៌មាន អេស.អេ ធីវីអេចឌី អនឡាញ និងជាប្រធានសមាគម(ស.ស.អ) បានទទួលចំណាត់ការផ្លូវច្បាប់ពីស្ថាប័នមានសមត្ថកិច្ច បន្ទាប់ពីផ្សព្វផ្សាយព័ត៌មាន ដែលត្រូវបានសមត្ថកិច្ច រកឃើញថាជាការផ្សព្វផ្សាយមិនពិត នាំឱ្យប៉ះពាល់ដល់សន្តិសុខ សណ្តាប់ធ្នាប់សាធារណៈ និងកិត្តិយសរបស់រាជរដ្ឋាភិបាល ក៏ដូចជាប្រទេសជាតិទាំងមូល។ ក្នុងនោះ សមាគមសហគ្រិនសារព័ត៌មានដើម្បីការអភិវឌ្ឍន៍ ក៏បាន និងកំពុងតាមដានយ៉ាងយកចិត្តទុកដាក់បំផុតចំពោះករណីនេះផងដែរ។
ក្នុងជំហានបឋមនេះ សមាគមសហគ្រិនសារព័ត៌មានដើម្បីការអភិវឌ្ឍន៍ សូមប្រកាសគាំទ្រចំពោះចំណាត់ការផ្លូវច្បាប់ របស់អាជ្ញាធរមានសមត្ថកិច្ច លើករណីនេះ រួមទាំងករណីកន្លងមក ដើម្បីទប់ស្កាត់ការផ្សព្វផ្សាយព័ត៌មានក្លែង ក្លាយ ព័ត៌មានដែលនាំឱ្យប៉ះពាល់ដល់ផលប្រយោជន៍សាធារណៈ។
យ៉ាងណាក៏ដោយ សមាគមសហគ្រិនសារព័ត៌មានដើម្បីការអភិវឌ្ឍន៍ ពិតជាសោកស្តាយចំពោះរឿងហេតុ ដែលបាន កើតឡើងលើសមាជិកសមាគមសហគ្រិនសារព័ត៌មានដើម្បីការអភិវឌ្ឍន៍ និងមានជំនឿជឿជាក់ថា តាមរយៈការស្រាវជ្រាវ ក៏ ដូចជាបទពិសោធដែលបានអនុវត្តកន្លងមក សង្ឃឹមថា ស្ថាប័នមានសមត្ថកិច្ច នឹងពិនិត្យលើករណីនេះ ដើម្បីរក នូវលក្ខខណ្ឌបន្ធូរបន្ថយទោស ក្នុងកម្រិតណាមួយ ដោយយោងលើការទទួលស្គាល់ទោសកំហុសរបស់អ្នកដែល បានប្រព្រឹត្ត ក្នុងន័យរបស់បុគ្គលជាសមាជិក។
ភ្ជាប់នឹងករណីនេះ សមាគមសហគ្រិនសារព័ត៌មានដើម្បីការអភិវឌ្ឍន៍ សូមអំពាវនាវដល់បណ្តាអង្គភាពសារព័ត៌មាន និងអ្នកសារព័ត៌មាន ជាសមាជិក ក៏ដូចជាបងប្អូនអ្នកសារព័ត៌មាន រួមទាំងសាធារណជន ចូលរួមប្រយុទ្ធប្រឆាំង ព័ត៌មានក្លែងក្លាយ ដើម្បីលើកកម្ពស់គុណភាព នៃការផ្សព្វផ្សាយនៅកម្ពុជា។ យ៉ាងណាក៏ដោយ សមាគមសម្ព័ន្ធ សារព័ត៌មានឯករាជ្យ នៅតែលើកទឹកចិត្តចំពោះអ្នកសារព័ត៌មាន ទាំងសមាជិកក្តី និងអ្នកសារព័ត៌មានទូទៅក្តី ក៏ ដូចជាប្រជាពលរដ្ឋ ចូលរួមរាយការណ៍ព័ត៌មាន និងផ្សព្វផ្សាយព័ត៌មាន ដើម្បីរួមចំណែកដោះស្រាយបញ្ហាផ្សេងៗ ដែលបានកើតមានឡើងនៅក្នុងសង្គម ក្នុងន័យប្រកបដោយវិជ្ជមាន៕
ផ្សាយនៅថ្ងៃទី២៣ ខែមករា ឆ្នាំ២០២៥
ផ្សាយដោយ៖ នាគ.២៤
